مستشفى الساحل التعليمى
لا يلدغ المؤمن من الأدارة مرتين
بعد ظهور الكثير من الحقائق و التجاوزات بدأت ادارة المستشفى فى الدفاع عن وضعها المحرج …و مكاسبها ….دفاع مستميت حتى الموت….كمان الأدارة أبتدت تعمل نفسها مباحث و عمالة تحاول جمع المعلومات و عمل مناورات علشان يعرفوا ميين بيعمل أيه و سبنا شغلنا و المرض و قاعديين فى مباحث الأدارة ….كفاية علينا
خطوات الدفاع
التودد و الوعود البراقة
أجبار النواب و الأطباء على التوقيع على ورقة بأن كل شئ تمام و الدكتور هلال مظلوم يا ولداه …لا عمره طرد عيانين من الرعاية و لا عمره نزل مريض أو مريضة من على ترابيزة العمليات و لا عمره بهدل رئيس قسم و لا حاجة
عقد أجتماع بالعافية من النواب بمدرج المستشفى اليوم الخميس 12/6 و لقد رفض النواب الشجعان حضور الأجتماع الفاشل رغم وضع دفتر الحضور و الأنصراف على باب الأجتماع!! حاجه تكسف و الله …و المدير العام نازل وعود وردية كله هيبقى مجانى الخ الخ
بدأ الدكتور هلال يتنصل من مشروع زراعة الكبد …فأمام الأعلام د هلال هو رجل مشروع الكبد و مشروع الكبد هو مشروع الغلابة الى أخر الفرقعات الأعلامية ….أما الأن و بعد الوفيات المتلاحقة للمرضى بدأ الدكتور هلال فى الكلام بأن المشروع مفروض على المستشفى و أن المستشفى لم تستفيد شئ من المشروع
أحضار القناة التالتة من التلفزيون تصور هتصور أية الجرانيت و التكيفات و حجرات العمليات الجميلة….أنما المسخره اللى حصلت هتصورها أذاى ال 150ى دكتور اللى عندهم شجاعة و ال500 الصامتيين اللى منهم على الأقلل 499.9
الادارة الحديثة للمستشفيات التعليمية
لماذا تفشل المستشفيات التعليمية تباعا ؟؟ ببساطة هل رأيتم ملازم أول (مع أحترامنا لجميع الرتب) يقود جيش ملئ بالواءات و بالرتب العليا؟ أعتقد الأجابة لأ
هل فى الجامعة المدرس المساعد أو المعيد يصبح عميد للكليه؟ لأ برضه
أما فى هيئة المستشفيات التعليمية –و خلى بالك من التعليمية- فدائما الملازم الأول يقود الجيش كيف و لماذا؟؟
المدير حاصل على ماجيستير أو أحيانا دبلوم (مثل أحمد نور رحمه الله) و لكن لأن عًرف أو قانون الهيئة و أختيار الوزارة ر كده يبقى خلاص مدير على حملة الزمالة البريطانية و البورد و أصحاب الدكتوراه ….ما هو كلنا أولاد تسعه
طبعا غالبا المدير يبدأ فى أول عهده بأفهام السادة الأستشاريين (حملة الشهادات العليا) أنه الكل فى الكل و مندوب العناية الوزيرية و اللى ما يسمعش كلام المدير المدير يوريه الويل و تبدأ السخافات يشطب على الأستشارى فى دفتر الحضور و الأنصراف يمنعه من البدلات أى رزاله و السلام
أما فى حالة مستشفى الساحل فالمدير كمان بيحدد الأستشارى الحاصل على زماله يشتغل أيه و ما يشتغلش أيه و يتدخل فى العمليات و فى مناظير الجهاز الهضمى و فى الرعاية المركزة ما هى أصلها مستشفيات تعليمية فعلا
و طبعا المدير بيكون حاصل على دبلوم ادارة مستشفيات من كلية تجارة أو شئ من هذا القبيل ….و هذا لا يعطيه الحق أن يفتى فى سرطان المثانه أو المعدة أو فى المريض الذى يستحق الدخول أو الخروج من الرعاية ….أنما كل دى أشياء لا تهم وزارة الصحة المصرية
و مثل بسيط الحاكم بأمر الوزير جناب المدير فى يوم واحد أمر بأخراج حالتيين من الرعاية المركزة –علشان حالات مجانيه- و هو مش فاهم خطورة الحالات دى و الحالتين ماتوا صدق أو لا تصدق المساخر وصلت لحد
