رجالة يا نواب الساحل …..ربنا يجازيكم خير و يحميكم ان شاء الله
كتبهامستشفى الساحل التعليمى ، في 15 يونيو 2008 الساعة: 22:51 م
رجالة يا نواب الساحل …..ربنا يجازيكم خير و يحميكم ان شاء الله و رجالة برضة يا نواب مصر
النواب = الأطباء المقيمون هم خط الدفاع الأول فى المستشفيات لأنهم بيناموا فى المستشفى و بيشتغلوا 24 ساعة
المطلوب من النائب الأتى
متابعة المرضى 24 ساعة داخل المستشفى
استقبال المرضى فى الطوارئ 24 ساعه
عمل ماجيستير و المذاكره
الصرف على أسرته أو نفسه
رغم الحياة القاسية اللتى يعيشها النواب فى جميع مستشفيات مصر و تتمثل فى
مرتب هذيل جدا حوالى 250 شهريا
سكن فى المستشفى اللتى يبيتون فيها 14 يوم شهريا تقريبا و السكن متواضع جدا أو فى بعض المناطق غير أدمى بالمرة
أكل طعام المستشفى فى الكافتيريا و طبعا هو طعام حكومى …و لا داعى لشرح مكوناته و جودته
المذاكره و التدريب المستمر
دائما يوجه اللوم للنواب من الأستشاريين صباحا و مساء
الكثير منهم ليسوا من سكان القاهرة و لكن حضرو للتعليم
يبقوا رجاله و صابرين و صامدين و لا لأ…
لما الرجاله دى تفضل فى قلوبهم الرحمه رغم العذاب اللى عايشيين فيه و ضيق العيش يبقوا كمان مش بس رجاله لأ ملائكة كمان
لما يرفضوا الطرمخه و الحياه فى سكون …زى ساكنى مطروح…يبقى لازم المجتمع يرفع لهم القبعه و يحييهم
و رسالة الى الناس اللى قاعديين فى المكاتب المكيفة و بيركبوا العربيات الفارهه على حساب الحكومة نظرة للنواب بجد نظرة لتحسين أوضاعهم الماديه و المعيشيه
فكوا مرتب واحد من الموظفيين اللى مرتبهم و حوافزهم 30 الى 70 الف جنيه فى الشهر و قاعديين يعملوا احصائيات و يسافروا بره و حسنوا احوال النواب ..اللى مش هقول غلابه..أبدا مش غلابه …دول الثروه كلها و المرجله كلها و هم دول أولاد مصر الأغنياء جدا …و خط الدفاع الأخير عن الفقراء و المهمشيين و برنامجهم مع عمرو اديب و مفيد فوزى وسام على صدرهم ليوم الدين
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يونيو 17th, 2008 at 17 يونيو 2008 4:23 م
فعلا اللى كتب الكلام ده راجل عادل و أمين تحيه كبيره جدا لنواب الساحل و نواب مصر الكبار جدا و الشرفاء جدا
يونيو 17th, 2008 at 17 يونيو 2008 8:12 م
ربنا يحميكم يا من تشعورون بألام البشر …محمود سليمان
يونيو 22nd, 2008 at 22 يونيو 2008 7:23 ص
الكلام الكبير ده رسالة ماجيستير و دكتوراة فى أحوال النواب “الرجاله” و تقديرها أمتياز مع مرتبة الشرف و ده عمله نادرة
أكتوبر 29th, 2009 at 29 أكتوبر 2009 12:38 ص
المشكله هي د.هلال وتابعه المخلص محمد سليمان مدير الاستقبال.والذي يتباري ويتباهي دائما بعلاقاته بالحزب ولجنه السياسات. وانه في حمي مركز قوي. انه صوره فظه للفساد الاداري…
أكتوبر 29th, 2009 at 29 أكتوبر 2009 12:43 ص
ادعو الله ان يزيل غمه الاداره الحاليه للمستشفي والتي تستمد سطوتها من مشروع زراعه الكبد ذو البعد الامني القومي…وان يرحل الطاغيه و سليمان مدير الطوارئ ….