قام العاملون فى مستشفى الساحل و كانت الغالبية من العمال و التمريض و بعض الأطباء بعمل مظاهرة حاشدة أمام مكتب مدير المستشفى و أصروا على رحيله من المستشفى..و قاموا بالهتاف ضدة و ضد
أحتراما منا للزميل و الأخ الجليل و المُعلم سنغلق المدونة فنحن دولة لا تقبل النقد لا البناء و لا الهدام
لأننا فى مصر لا نتقبل النقد ….. و لأننا كلنا ملائكة و نازلين من السماء بلا أخطاء و الأحوال فى مصر عال العال و المرضى يعاملون أحسن معامله أفضل م
ما تستعجبش ….ما تستغربش
فى ناس بتتعب ولا تكسبش و ناس بتكسب ولا تتعبش…
على رأى اسماعيل ياسين …بس الحقيقه أحنا نقصد بتكسب بس بدرجات
أعضاء الفريق الأول …اللى بيتعب و لا يكسبش
الأطباء اللى قاعدين فى الأستقبال 24 ساعة للطوارئ و الحوادث للجلطة و المغص الكلوى و التسمم الخ الخ
الأطباء اللى بيعملوا العمليات فى الحوادث يوقفوا نزيف حاد داخل البطن ينقذوا ساق أو ذراع من البتر ..يثبتوا كسر …يولدو طفل… يوقفوا نزيف من المخ
دول بقى …فى زمن الحواه…هم المهمشين ؟؟ تصوروا
دول بقى اللى عمر ما حد من الأعلام و لا الوزارة و لا التلفزيون و لا الصحافه و لا البيت بيتك يقول لهم أنتم فين…عاوزين أيه…ناقصكم أيه…بتصرفوا فلوسكم ؟؟
دول اللى بيشتغلوا …لو التكييف عطلان فى العمليات و الجو نار بيشتغلوا …لو الكشاف مش مضبوط بيشتغلوا لو المونيتور مش مضبوط بيشتغلوا ….ليه؟؟ لأن لو ما أشتغلوش المريض الغلبان هيموت…فلازم يشتغلوا فى كل الظروف
دول المفروض ياخذوا جوايز و شهادات تقدير
